काठमाडौं । स्टान्डर्ड चार्टर्ड बैंकले ऋणपत्र बिक्री गर्ने भएको छ । बैंकले २ अर्ब ४० करोड रुपैयाँ बराबरको ऋणपत्र बिक्री गर्न धितोपत्र बोर्डबाट अनुमति पाएको हो ।
बैंकले प्रतिइकाई १ हजार रुपैयाँ दरमा २४ लाख इकाई ऋणपत्र बिक्री गर्न अनुमति पाएको हो । यसमध्ये ९ लाख ६० हजार इकाई सर्वसाधारणका लागि खुला हुनेछ । बाँकी १४ लाख ४० हजार इकाई भने बैंकले आफ्नै पहलमा अन्य संघसंस्थालाई बिक्री गर्नेछ ।
यस ऋणपत्रमा वार्षिक १०.३० प्रतिशत ब्याजदर पाइनेछ । बैंकले ५ वर्ष अवधिको ‘स्टान्डर्ड चार्टर्ड ऋणपत्र’ जारी गर्न लागेको हो । यसमा बिक्री प्रबन्धकको काम एनआइबीएल एस क्यपिटलले गर्नेछ ।
वि.सं.२०७९ पुस ३ आइतवार १३:४६ मा प्रकाशित
