काठमाडौं । हिमालयन पावर पार्टनर लिमिटेडले वार्षिक साधारण सभा बोलाएको छ ।
कम्पनीको पुस ३ गते बसेको सञ्चालक समितिको बैठकले पुस २९ गते साधारण सभा बस्ने निर्णय गरेको हो । सभा अम्रपाली ब्याक्वेट, भाटभटेनी, काठमाडौंमा बिहान ९ बजेबाट सुरु हुनेछ ।
कम्पनीले यसपटक पनि सेयरधनीहरुलाई कुनै लाभांश प्रस्ताव गरेको छैन । सभामा आर्थिक वर्ष २०७८/७९ को सञ्चालक समितिको वार्षिक प्रतिवेदन, वासलात, नाफा नोक्सान लगायतका विषयमा छलफल गर्ने प्रस्ताव हुनेछ ।
त्यस्तै, आर्थिक वर्ष २०७९/८० का लागि लेखापरीक्षक नियुक्ति गरी पारिश्रमिक निर्धारण गर्ने एजेन्डा पनि छ ।
सभा प्रयोजनका लागि कम्पनीले पुस १३ गते बुक क्लोज गर्ने भएको छ । तसर्थ, पुस १२ गतेसम्म कायम रहने सेयरधनीले सभामा सहभागि हुन पाउनेछन् ।
वि.सं.२०७९ पुस ४ सोमवार १०:११ मा प्रकाशित