काठमाडौं । चालु आर्थिक वर्षको ४ महिनाको अवधिमा वाणिज्य बैंकहरुले २५ अर्ब बढी खुद नाफा कमाएका छन् ।
नेपाल राष्ट्र बैंकले प्रकाशन गरेको विवरण अनुसार वाणिज्य बैंकहरुले २०७९ साउन देखि कार्तिकसम्मको ४ महिनाको अवाधिमा २५ अर्ब ३२ करोड खुद नाफा कमाएका हुन् ।
जस मध्ये नबिल बैंकले सर्वाधिक २ अर्ब ३५ करोड खुद नाफा कमाएको छ भने एनआईसी एसिया बैंकले २ अर्ब २२ करोड नाफा कमाएको छ । यस अवधिमा ग्लोबल आईएमई बैंकले १ अर्ब ७५ करोड खुद नाफा कमाएको छ भने नेपाल इन्भेष्टमेन्ट बैंकले १ अर्ब ५२ करोड खुद नाफा कमाएको छ ।
चालु आवको कात्तिक मसान्तसम्ममा एनएमबी बैकले १ अर्ब ३० करोड, कुमारी बैंकले १ अर्ब ३० करोड, प्राइम कमर्सियल बैंकले १ अर्ब २५ करोड, एभरेष्ट बैंकले १ अर्ब २५ करोड, स्टाण्डर्ड चार्टर्डको १ अर्ब ८ करोड रुपैंया रुपैयाँ खुद नाफा कमाएका छन्
त्यसैगरी, नेपाल बैंकले ९५ करोड, राष्ट्रिय वाणिज्य बैंकले ९२ करोड, हिमालयन बैंकले ८३ करोड, नेपाल एसबिआईले ८२ करोड, सानिमा बैंकले ७८ करोड, प्रभु बैंकले ७८ करोड, मेगा बैंकले ७६ करोड, एनसीसी बैंकले ७२ करोड, सिटिजन बैंकले ७० करोड रुपैयाँ रहेको छ।
त्यस्तै, चालु आवको ४ महिना सम्ममा सिद्धार्थ बैंकले ६७ करोड, लक्ष्मी बैंकले ६५ करोड, माछापुच्छ्रे बैंकले ५९ करोड, सिभिल बैंकले ५६ करोड, बैंक अफ काठमाण्डूले ४५ करोड, सेञ्चुरी बैंकले ४४ करोड, सनराइज बैंकले ३७ करोड कृषि विकास बैंकले ३१ करोड रुपैयाँ खुद नाफा कमाएको छ ।
वि.सं.२०७९ पुस ५ मंगलवार १७:२५ मा प्रकाशित
