काठमाडौं । नेप्सेमा सूचिकृत थप ४ कम्पनीहरुले लाभांश घोषणा गरेका छन् । २ वटा बैंक, १ वटा लघुवित्त र एउटा फाइनान्स कम्पनीले लाभांश घोषणा गरेका हुन् ।
फरवार्ड माइक्रोफाइनान्स
फरवार्ड माइक्रोफाइनान्स लघुवित्त वित्तीय संस्थाको पुस ४ गते बसेको सञ्चालक समितिको बैठकले लाभांश वितरण गर्ने निर्णय गरेको हो।
लघुवित्तले हाल कायम चुक्ता पूँजीको २५ प्रतिशतका दरले हुन आउने २१ करोड ११ लाख १२ हजार ७४६ रुपैयाँ ८८ पैसा बराबरको बोनस शेयर र सोको कर प्रयोजनार्थसहित ५ प्रतिशतका दरले हुन आउने ४ करोड २२ लाख २२ हजार ५४९ रुपैयाँ ३७ पैसा बराबरको नगद लाभांश गरी कुल ३० प्रतिशत लाभांश वितरण गर्ने घोषणा गरेको हो।
उक्त लाभांश नेपाल राष्ट्र बैंकबाट स्वीकृत भई आगामी वार्षिक साधारण सभाले पारित गरेपश्चात सेयरधनीमा वितरण गरिनेछ।
सिभिल बैंक
सिभिल बैंक लिमिटेडको पुस ५ गते बसेको बैंकको सञ्चालक समितिको बैठकले लाभांश वितरण गर्ने निर्णय गरेको हो।
बैंकले गत आर्थिक वर्षको मुनाफाबाट हाल कायम चुक्ता पूँजीको ५ प्रतिशत बोनस शेयर र सोको कर प्रयोजनार्थ ०.२६ प्रतिशत नगद लाभांश गरी कुल ५.२६ प्रतिशत लाभांश वितरण गर्ने घोषणा गरेको हो।
नेपाल राष्ट्र बैंकबाट स्वीकृत भई आगामी वार्षिक साधारण सभाले पारित गरेपश्चात सो लाभांश वितरण गरिनेछ।
हिमालयन बैंक
हिमालयन बैंकको पुस ५ गते बसेको सञ्चालक समितिको बैठकले लाभांश वितरण गर्ने निर्णय गरेको हो।
बैंकले हाल कायम चुक्ता पूँजीको ८ प्रतिशत बोनस शेयर र ११.११प्रतिशत नगद लाभांश गरी कुल १९.११ प्रतिशत लाभांश वितरण गर्ने घोषणा गरेको हो।
उक्त लाभांश राष्ट्र बैकबाट स्विकृत भई आगामी वार्षिक साधारण सभाले पारित गरेपश्चात सेयरधनीमा वितरण गरिनेछ।
पोखरा फाइनान्स लिमिटेड
पोखरा फाइनान्सको पुस ४ गते बसेको सञ्चालक समितिको बैठकले लाभांश वितरण गर्ने निर्णय गरेको हो।
कम्पनीले हाल कायम चुक्ता पूँजीको ४ प्रतिशतका दरले हुन आउने ४ करोड १६ लाख ३६ हजार ७९२ रुपैयाँ ५२ पैसा बराबरको बोनस शेयर र सोको कर प्रयोजनार्थसहित ०.२१ प्रतिशतका दरले हुन आउने २१ लाख ८५ हजार ९३१ रुपैयाँ ६१ पैसा बराबरको नगद लाभांश गरी कुल ४.२१ प्रतिशत लाभांश वितरण गर्ने घोषणा गरेको हो।
उक्त लाभांश आगामी वार्षिक साधारण सभाले पारित गरेपश्चात सेयरधनीमा वितरण गरिनेछ।
वि.सं.२०७९ पुस ५ मंगलवार १७:३४ मा प्रकाशित
