काठमाडौं । ३ कम्पनीको लाभांश सुरक्षित गर्ने आज पुस ७ गते बिहिबार अन्तिम दिन रहेको छ । बिहिबार २ बीमा कम्पनी र १ बैंकको लाभांश सुरक्षित गर्ने अन्तिम दिन हो ।
नेपाल इन्स्योरेन्स
नेपाल इन्स्योरेन्स कम्पनी लिमिटेडको लाभांश सुरक्षित गर्ने आज पुष ७ गतेअन्तिम दिन रहेको छ । साधारण सभा प्रयोजन र लाभांशका लागि कम्पनीले पुष ८ गतेदेखि पुस २२ गतेसम्म बुक क्लोग गर्ने भएको हुदाँ पुष ७ गतेसम्म कायम शेयरधनीहरुले मात्र सभामा भाग लिन र प्रस्तावित लाभांश प्राप्त गर्ने सक्नेछन् ।
इन्स्योरेन्सले गत वर्षको नाफाबाट ८ प्रतिशत बोनस सेयर र कर प्रयोजनका लागि ०.४२१ प्रतिशत नगद गरी जम्मा ८.४२१ प्रतिशत लाभांश वितरण गर्दैछ । कम्पनीले उक्त लाभांश प्रस्ताव पारित गर्न पुस २२ गते वार्षिक साधारण सभा बोलाएको छ ।सभा नेपाल प्रज्ञा प्रतिष्ठान कमलादी, काठमाडौंमा बिहान ११ बजे सुरु हुनेछ ।
प्राइम लाइफ इन्स्योरेन्स
प्राइम लाइफ इन्स्योरेन्सको लाभांश सुरक्षित गर्ने आज पुस ७ गते बिहीबार अन्तिम दिन हो । लाभांश र साधारण सभा प्रयोजनका यी कम्पनीले पुस ८ गते बुक क्लोज गर्ने भएको छ ।
कम्पनीले गत वर्षको नाफाबाट १३ प्रतिशत बोनस सेयर र कर तिर्न ०.६८ प्रतिशत नगद गरी कुल १३.६८ प्रतिशत लाभांश वितरण गर्दैछ । उक्त लाभांश पारित गर्न इन्स्योरेन्सले पुस २४ गते पन्ध्रौं वार्षिक साधारण सभा बोलाएको छ । सभा अग्रवाल भवन, कमलपोखरी, काठमाडौंमा दिउँसो २ बजेबाट सुरु हुनेछ ।
गरिमा विकास बैंक
गरिमा विकास बैंकको लाभांश सुरक्षित गर्ने आज पुस ७ गते बिहीबार अन्तिम दिन रहेको छ । साधारण सभा प्रयोजन र लाभांशका लागि बैंकले पुस ८ गतेदेखि पुस २२ गतेसम्म बुक क्लोग गर्ने भएको छ । यसर्थ,पुस ७ गतेसम्म कायम शेयरधनीहरुले मात्र सभामा भाग लिन र प्रस्तावित लाभांश प्राप्त गर्ने सक्नेछन् ।
बैंकले गत वर्षको नाफाबाट १३ प्रतिशत बोनस सेयर र कर प्रयोजनका लागि १.५० प्रतिशत नगद लाभांश दिने प्रस्ताव गरेको छ । उक्त प्रस्ताव पारितका लागि कम्पनीले १६औं वार्षिक साधारण सभा पुस २२ गतेका लागि बोलाएको छ ।
वि.सं.२०७९ पुस ७ बिहीवार ०८:२० मा प्रकाशित