काठमाडौं । वाणिज्य बैंकहरुको छाता संगठन नेपाल बैकर्स संघको अध्यक्ष कार्यवहाक अध्यक्षको जिम्मेवारी एनएमबि बैंकका प्रमुख कार्यकारी अधिकृत सुनिल केसीले पाएका छन् ।
कृषि विकास बैंकका प्रमुख कार्यकारी अधिकृत अनिल कुमार उपाध्यायको कार्यकाल सकिएको छ । योसँगै उनी वाणिज्य बैंकहरुको छाता संगठन नेपाल बैकर्स संघको अध्यक्षबाट बाहिरिएका छन् । केसीले अर्को अध्यक्ष चयन नभएसम्मका लागि कार्यवाहक अध्यक्ष भएका हुन् ।
शुक्रबार बसेको संघको बैठकले एनएमबि बैंकका सीइओ केसीलाई कार्यवहाक अध्यक्षको जिम्मेवारी दिने निर्णय गरेको हो । उपाध्यायको कृषि विकास बैंकको कार्यकाल नविकरण नहुने भएपछि संघको अध्यक्षबाट बाहिरिएका हुन् ।
वि.सं.२०७९ पुस ८ शुक्रवार १२:३० मा प्रकाशित
