काठमाडौं । नवनियुक्त प्रधानमन्त्री पुष्पकमल दाहाल ‘प्रचण्ड’ ले आज सोमबार पद तथा गोपनीयताको शपथ लिँदै छन् ।
उनले राष्ट्रपति विद्यादेवी भण्डारीसमक्ष सोमबार अपराह्न ४ बजे पद तथा गोपनीयताको शपथ लिने भएका हुन् ।
राष्ट्रपति कार्यालयका अनुसार सोमबार नवनियुक्त प्रधानमन्त्रीको पद तथा गोपनीयताको शपथ समारोह आयोजना गरिएको छ ।
आज प्रचण्डले केहि मन्त्री नियुक्त गर्ने र मन्त्रिपरिषद्का केही सदस्यले समेत आज पद तथा गोपनीयताको शपथ लिने तयारी छ।
एमाले र माओवादीबाट मन्त्रीहरु नियुक्त गरि आज नै सानो आकारको मन्त्रिमण्डल गठन गर्ने तयारी प्रचण्डको छ । अन्य दलबाट पनि पछि सहमति भएपछि मन्त्रीहरु थपिने छन् ।
वि.सं.२०७९ पुस ११ सोमवार ०९:४८ मा प्रकाशित
