काठमाडौ । शाइन रेसुङ्गा डेभलपमेन्ट बैंकको लाभांश सुरक्षित गर्ने आज सोमबार (पुष ११ गते) अन्तिम दिन रहेको छ ।
बैंकले पुस २५ गते वार्षिक साधारण सभा बोलाएकोले पुस १२ गते बुक क्लोज गर्दैछ । तसर्थ, आज (पुस ११ गते) सम्म कायम रहने सेयरधनी मात्र सभामा भाग लिन र प्रस्तावित लाभांश पाउन सक्नेछन् ।
बैंकले गत वर्षको नाफाबाट १३.३० प्रतिशत बोनस सेयर र कर तिर्न ०.७० प्रतिशत नगद लाभांश वितरण गर्दैछ ।
उक्त प्रस्ताव पारितका लागि बैंकले पुस २५ गते, सोमबार, ड्रिमल्याण्ड गोल्ड रिसोर्ट एण्ड होटल, मणिग्राम, रुपन्देहीमा चौधौं वार्षिक साधारण सभा बोलाएको छ ।
वि.सं.२०७९ पुस ११ सोमवार ०८:२७ मा प्रकाशित