काठमाडौं । मिर्मिरे लघुवित्त वित्तीय संस्थाले पुस ३० गते वार्षिक साधारण सभा बोलाएको छ । सभामा गत वर्षको नाफाबाट २३ प्रतिशत बोनस सेयर वितरण गर्ने प्रस्ताव पेश हुनेछ ।
गत आर्थिक वर्षको वार्षिक प्रतिवेदन, नाफा/नोक्सान हिसाब तथा नगद प्रवाह विवरणमा पनि छलफल हुनेछ । त्यस्तै,अन्य कुनै लघुवित्तसँग मर्जर वा एक्विजिसनमा जानु परेका सम्पूर्ण कामको अख्तियारी सञ्चालक समितिलाई दिइने भएको छ । सभामा १ जना सञ्चालकहरुको नियुक्ति अनुमोदन पनि गरिने भएको छ ।
साधारण सभा योयो ब्याक्वेट सूर्यविनायक भक्तपुरमा बिहान ११ बजे देखि सुरु हुनेछ । सभा प्रयोजनका लागि पुस २० गते एक दिनको लागि बुक क्लोज हुने भएको छ ।
तसर्थ, पुस १९ गतेसम्म कायम रहने सेयरधनीले मात्र प्रस्तावित बोनस सेयर र सधारण सभामा सहभागि हुन पाउनेछन् ।
वि.सं.२०७९ पुस ११ सोमवार ११:२८ मा प्रकाशित
