काठमाडौं । नेपाल स्टक एक्सचेन्ज (नेप्से) ले कालिका पावर कम्पनी र मल्टिपर्पस फाइनान्सको सेयर कारोबार फुकुवा गरेको छ ।
कम्पनीले दोस्रो बजारमा सेयर कारोबार भइरहेको समयमा मूल्य संवेदनशील निर्णय गरेको भन्दै नेप्सेले पुस ७ गतेदेखि सेयर कारोबार रोक्का गरेको थियो ।
सेयर कारोबार रोक्का गर्दै नेप्सेले ३ दिनभित्रमा स्पष्टीकरण पेश गर्नसमेत कम्पनीलाई निर्देशन दिएको थियो । नेप्सेले मागेको प्रमाण कम्पनीले पुर्याएसँगै कारोबार खोल्न मिति तए भएको हो ।
आगामी दिनमा त्यस कम्पनीले धितोपत्र सूचिकरण विनियमावली, २०७५ पूर्ण पालना गर्न गराउन सचेत गराउँदै रोक्का रहेको उक्त कम्पनीको धितोपत्र कारोबार आज पुस ११ गते फुकुवा गरिएको जानकारी दिएको छ
वि.सं.२०७९ पुस ११ सोमवार १६:०१ मा प्रकाशित