काठमाडौं । नेशनल माइक्रोफाइनान्स लघुवित्त वित्तीय संस्था र समीट लघुवित्त वित्तीय संस्थाबीच मर्जर हुने भएको छ । दुवै संस्थाबीच भएको मर्जरसम्बन्धी सम्झौतालाई नेपाल राष्ट्र बैंकले सैद्धान्तिक सहमति प्रदान गरेको छ ।
यी दुई लघुवित्तबीच एकआपसमा गाभ्ने/गाभिने तथा मर्जरमा जाने सम्बन्धी सैद्धान्तिक सहमतिको लागि नेपाल राष्ट्र बैंक समक्ष निवेदन पेश गरेकोमा नेपाल राष्ट्र बैंकले पुस ७ गते दुई संस्थाको मर्जरलाई सहमति प्रदान गरेको हो ।
नेशनल र समीट लघुवित्तबीच असोज ६ गते मर्जरसम्बन्धी सम्झौतापत्रमा हस्ताक्षर भएको थियो ।
वि.सं.२०७९ पुस १८ सोमवार १०:४८ मा प्रकाशित