काठमाडौं । रिलायन्स लाइफ इन्स्योरेन्सले आर्थिक वर्ष २०७७/७८ को लागि नयाँ बोनस दर सार्वजनिक गरेको छ । बीमा प्राधिकरणबाट पुस १७ गते स्वीकृत भएपछि बीमितलाई दिइने बोनस दर सार्वजनिक गरेको हो ।
कम्पनीले बीमा योजना र बीमा अवधिका आधारमा प्रतिहजार न्यूनतम १९ रुपैयाँदेखि अधिकतम ७५ रुपैयाँसम्म बोनस दर सार्वजनिक गरेको हो ।
कम्पनीको सावधिक जीवन बीमा योजनामा बीमा अवधिको आधारमा न्युनतम ३० रुपैयाँ देखि अधिकतम ७५ रुपैयाँसम्म बोनस पाउनेछन् ।
त्यसैगरी, सावधिक तथा आजीवन बीमा योजनामा न्युनतम ३० रुपैयाँदेखि ६० रुपैयाँसम्म, अग्रिम भुक्तानी सावधिक बीमा योजनामा ४१ रुपैयाँ देखि ४५ रुपैयाँ बोनस पाउनेछन् ।
बीमितले वार्षिक अग्रिम भुक्तानी–मुद्दती नियमित शुल्क बीमा योजनामा प्रतिहजार २४ रुपैयाँ, वार्षिक अग्रिम भुक्तानी–मुद्दती एकल बीमाशुल्क बीमा योजनामा प्रतिहजार ५४ रुपैयाँ र सामुहिक सावधिक बीमा योजनामा प्रतिहजार १९ रुपैयाँ बोनस पाउनेछन् ।
सीमित भुक्तानी सावधिक बीमा योजनामा पनि बीमितले बीमा योजना र अवधिको आधारमा न्युनतम ४० रुपैयाँ देखि ६५ रुपैयाँ सम्म बोनस पाउनेछन् ।
उल्लेखित बीमा अवधि तथा योजना अनुसार कायम बोनस दर मृत्यु दाबी, पूर्ण वा आंशिक अवधि भुक्तानी दाबी, समर्पण मूल्य दाबी, चुक्ता मूल्य दाबी तथा चालु बीमालेखमा समेत लागू हुने कम्पनीले जनाएको छ ।
वि.सं.२०७९ पुस १९ मंगलवार १२:०० मा प्रकाशित
