काठमाडौं। लक्ष्मी बैंक र सनराइज बैंक आपसमा गाभिन सोमबार औपचारिक सम्झौता हुने भएको छ। प्रारम्भिक सहमति अनुसार, दुबै बराबरी हैसियत अर्थात १ः१ को सेयर आदन प्रदान अनुपातमा गाभिने छन्।
गाभिएपछि नाम लक्ष्मी सनराइज बैंक हुने छ। मर्जरका लागि सहभागिता जनाएका एक ब्यक्तिले भने, ‘प्रारम्भिक सहमति बराबरी हैसियतमा गाभिने भन्ने छ, सोमबार सम्झौता हुने छ ।’
उनका अनुसार, सम्पूर्ण सम्पति तथा दायित्वको मूल्यांन (डीडीए) को प्रतिवेदनमा ५ प्रतिशतभन्दा बढिको ‘भेरिएसन’ आएमा स्वाप रेसियो घटबढ हुन सक्छ।
‘मर्जपछि लक्ष्मी बैंकले अध्यक्ष पाउने भएको छ । प्रमुख कार्यकारी अधिकृत (सीईओ) छान्ने जिम्मेवारी भने सम्वन्धित बैंकका सीईओलाई दिइएको बताइएको छ ।
दुबै बैंकले प्रकाशित गरेको पछिल्लो वित्तिय विवरण अनुसार, लक्ष्मी बैंकको चुक्ता पुँजी ११ अर्ब ५५ करोड रुपैयाँ छ भने सनराइज बैंकको १० अर्ब ११ करोड रुपैयाँ छ।
लक्ष्मीको जगेडा कोषमा ४ अर्ब ५५ करोड छ भने सनराइजको ६ अर्ब ६९ करोड रुपैयाँ छ।
वि.सं.२०७९ पुस २४ आइतवार १६:११ मा प्रकाशित
