काठमाडौं । आज अर्थात पुस २६ गते मंगलबार नेप्सेमा सूचीकृत ४ कम्पनीको साधारण सभा बस्दैछ । उक्त दिन लुम्बिनी विकास बैंक, एचआइडीसीएल, मैलुङ खोला जलविद्युत र त्रिशुली जलविद्युतको साधारण सभा बस्दैछ ।
एचआइडीसीएल
हाइड्रोइलेक्ट्रीसिटी इन्भेष्टमेन्ट एन्ड डेभलपमेन्ट कम्पनी (एचआइडीसीएल) ले गत आर्थिक वर्षको नाफाबाट सेयरधनीहरुलाई ५ प्रतिशत बोनस सेयर र ०.२६३ प्रतिशत नगद लाभांश वितरण गर्दैछ । सभा अर्पण ब्यांक्वेट थापागाउँ काठमाडौंमा बिहान १० बजेबाट सुरु हुनेछ ।
लुम्बिनी विकास बैंक
लुम्बिनी विकास बैंकले आर्थिक वर्ष २०७८/७९ को नाफाबाट सेयरधनीहरुलाई ३ प्रतिशत बोनस सेयर र कर सहित ९ प्रतिशत नगद लाभांश गरी जम्मा १२ प्रतिशत लाभांश वितरण गर्दैछ । सभा अमृत भोग कालिकास्थान, काठमाडौंमा बिहान ११ बजे सुरु हुनेछ ।
मैलुङ खोला जलविद्युत कम्पनी
मैलुङ खोला जलविद्युत कम्पनीको सभामा आर्थिक वर्ष २०७८/७९ को सञ्चालक समितिको वार्षिक प्रतिवेदन, वासलात, नाफा नोक्सान लगायतका विषयमा छलफल गर्ने प्रस्ताव हुनेछ । त्यस्तै, आर्थिक वर्ष २०७९/८० का लागि लेखापरीक्षक नियुक्ति गरी पारिश्रमिक निर्धारण गर्ने एजेन्डा पनि छ । सभा लैनचौर ब्यांक्वेट, लैनचौर, काठमाडौंमा बिहान ११ बजेबाट सुरु हुनेछ । कम्पनीले सेयरधनीहरुलाई कुनै लाभांश प्रस्ताव गरेको छैन ।
त्रिशुली जलविद्युत कम्पनी
त्रिशुली जलविद्युत कम्पनीको सभा अम्रपाली ब्याक्वेट, भाटभटेनी, काठमाडौंमा बिहान ११ बजेबाट सुरु हुनेछ । सभामा आयोजना प्रभावित स्थलको स्थानीयलाई आइपीओ जारी गर्ने प्रस्ताव छ । साथै, सभामा आर्थिक वर्ष २०७८/७९ को सञ्चालक समितिको वार्षिक प्रतिवेदन, वासलात, नाफा नोक्सान लगायतका विषयमा छलफल गर्ने प्रस्ताव हुनेछ । त्यस्तै, आर्थिक वर्ष २०७९/८० का लागि लेखापरीक्षक नियुक्ति गरी पारिश्रमिक निर्धारण गर्ने एजेन्डा पनि छ ।
वि.सं.२०७९ पुस २६ मंगलवार ०९:१२ मा प्रकाशित
