काठमाडौं । एनएमबि बैंकले आफ्ना सेयरधनीहरुलाई नगद लाभांश खातामा पठाउन सुरु गरेको छ ।
बैंकको पुस २५ गते सम्पन्न साधारण सभाले आर्थिक वर्ष २०७८/७९ को नाफाबाट सेयरधनीलाई कर सहित ८.२५ प्रतिशत नगद लाभांश वितरण गर्ने प्रस्ताव पारित गरेको थियो ।
बैंकले डिम्याट खातामा बैंक खाता अद्यावधिक गराएका सेयरधनीलाई आज मंगलबार (पुस २६) गते देखि ८.२५ प्रतिशत नगद लाभांश (कर सहित) जम्मा गर्न सुरु गरेको जनाएको छ ।
यता, कम्पनीले नगद लाभांश खातामा नआएका सेयरधनीलाई डिम्याट खाता र बैंक खाता अपडेट गर्न भनेको छ । अपडेट गरेपछि लाभांश पाइनेछ ।
वि.सं.२०७९ पुस २६ मंगलवार ०९:२४ मा प्रकाशित
