काठमाडौं । इन्फिनिटी लघुवित्त, स्वाभिमान लघुवित्त र कालिका लघुवित्त वित्तीय संस्था लिमिटेडले पुस महिनाभित्र साधारण सभा नगर्ने जानकारी गराएको छ । लघुवित्तहरुले नेप्सेमार्फत जानकारी गराउँदै तत्कालै सभा नगर्ने जनाएको हो ।
इन्फिनिटी लघुवित्तले आ.व. २०७८/०७९ को वार्षिक वित्तीय विवरणहरु नेपाल राष्ट्र बैंकमा पेश भइ भई स्वीकृतिको अवस्थामा रहेकोले साधारण सभा पुस भित्र गर्ने नसकिने जानकारी दिएको छ ।
स्वाभिमान लघुवित्तले वाह्य लेखा परीक्षण कार्य सम्पन्न हुने प्रकृयामा रहेको र आ.व. २०७८/०७९ को वार्षिक वित्तीय विवरणहरु नेपाल राष्ट्र बैंकमा पेश गर्न नसकेकोले सभा गर्न नसक्ने जनाएको छ ।
त्यसैगरी, कलिका लघुवित्तले वाह्य लेखा परीक्षण सम्पन्न भई वित्तिय विवरण राष्ट्र बैंकमा पेश भई स्विकृतिको प्रकृयामा रहेकाले सभा गर्न नसक्ने जनाएको छ ।
जीवन विकास लघुवित्तले लेखापरीक्षणको कार्य चलिरहेकोले सभा गर्न नसक्ने जनाएको छ ।
साथै, यी कम्पनीहरुले आ.व. २०७८/०७९ को वार्षिक साधारण सभा २०७९ साल चैत्र मसान्त सम्ममा सम्पन्न गरिने पनि लघुवित्तले जनाएको छ।
वि.सं.२०७९ पुस २८ बिहीवार १३:२० मा प्रकाशित
