काठमाडौं । चार वाणिज्य बैंकसहित १७ कम्पनीको वार्षिक साधारण सभा आज अर्थात पुस २९ गते बस्दैछ ।
१७ कम्पनीमध्ये पाँच कम्पनी बाहेकका सबै कम्पनीले गत आर्थिक वर्षको मुनाफाबाट शेयरधनीहरुलाई लाभांश प्रस्ताव गरेका छन् । लाभांश प्रस्ताव नगर्ने कम्पनीमा एनआइसी एशिया बैंक, माछापुच्छ्रे बैंक, मन्जुश्री फाइनान्स, श्वेत गंगा हाइड्रोपावर र हिमालयन पावर पार्टनर रहेको छ ।
नेपाल बैंकको ६३औं सभा बैंकको प्रधान कार्यालय धर्मपथ काठमाडौमा बिहान ११ बजे बस्नेछ । कम्पनीको सभाले २ प्रतिशत बोनस शेयर र १० प्रतिशत नगद लाभांश पारित गर्नेछ ।
नबिल बैंकको ३८औं सभा सिल्भर ओक ब्याङ्क्वेट गैरीधारा काठमाडौंमा बिहान ११ बजे बस्नेछ । सभाले १८.५० प्रतिशत बोनस शेयर र ११.५ प्रतिशत नगद लाभांश पारित गर्नेछ ।
एनआइसी एशिया बैंकको २५औं साधारण सभा होटल आनन्द तिलगंगा काठमाडौंमा बिहान ९ बजे बस्दैछ । बैंकले शेयरधनीहरुलाई लाभांश प्रस्ताव गरेको छैन ।
माछापुच्छ्रे बैंकको २४औं साधारण सभा आर्मी अफिसर्स क्लब भद्रकाली, काठमाडौंमा बिहान ११ बजे बस्नेछ । बैंकले शेयरधनीहरुलाई लाभांश प्रस्ताव गरेको छैन ।
सिद्धार्थ इन्स्योरेन्सको २१औं वार्षिक साधारण सभा नेपाल पर्यटन बोर्ड, भृकुटीमण्डपमा बिहान ११ बजे बस्नेछ । सभाले गत आवको मुनाफाबाट ९ प्रतिशत बोनस शेयर र कर प्रयोजनका लागि ०.४७३७ प्रतिशत लाभांश प्रस्ताव पारित गर्नेछ ।
प्रिमियर इन्स्योरेन्सको २९औं सभा लिसारा रिसेप्सन भगवती बहाल, नक्सालमा बिहान ११ बजे बस्नेछ । सभाले १४.२५ प्रतिशत बोनस शेयर र कर प्रयोजनका लागि ०.७५ प्रतिशत नगद लाभांश पारित गर्नेछ ।
आइसीएफसी फाइनान्सको १९औ सभा अमृतभोग, कालिकास्थान काठमाडौंमा बिहान १० बजे बस्नेछ । सभाले ५ प्रतिशत बोनस शेयर र ५ प्रतिशत नगद लाभांश गरी कुल १० प्रतिशत लाभांश पारित गर्नेछ ।
सेन्ट्रल फाइनान्सको २६औं सभा कम्पनीको केन्द्रीय कार्यालय कुपन्डोल ललितपुरमा बिहान १० बजे बस्नेछ । सभाले गत आवको मुनाफाबाट ५ प्रतिशत नगद लाभांश प्रस्ताव पारित गर्नेछ ।
इन्भेष्टमेन्ट एण्ड फाइनान्सको २८औं सभा कम्पनी रजिष्टार्डको कार्यालय डिल्लीबजार काठमाडौंमा बिहान १० बजे बस्नेछ । सभाले २।४० प्रतिशत बोनस शेयर र ५.२० प्रतिशत नगद लाभांश प्रस्ताव पारित गर्नेछ ।
मन्जुश्री फाइनान्सको वार्षिक साधारण सभा थापागाउँ बैंक्वेट नयाँ बानेश्वर काठमाडौंमा बिहान ११ बजे बस्नेछ । फाइनान्सले सेयरधनीलाई कुनै पनि लाभांश प्रस्ताव गरेको छैन ।
नेपाल हाइड्रो डेभलोपर्सको १६औं साधारण सभा लिसारा रिसेप्सन नक्साल काठमाडौंमा बिहान ११ बजे बस्नेछ । सभाले गत आवको मुनाफाबाट प्रस्ताव गरेको ५ प्रतिशत बोनस शेयर र कर प्रयोजनका लागि ०.०२६३२ प्रतिशत नगद लाभांश पारित गर्नेछ ।
कालिका पावर कम्पनीको सभा कम्पनीको रजिष्टार्ड कार्यालय भरपुर चितवनमा बिहान ११ बजे बस्नेछ । सो सभाले गत आवको मुनाफाबाट शेयरधनीहरुलाई प्रस्ताव गरेको १५ प्रतिशत बोनस शेयर र कर प्रयोजनका लागि ०.७८९५ प्रतिशत नगद लाभांश पारित गर्नेछ ।
हिमालयन पावर पार्टनरको १०औं सभा अम्रपाली ब्याङ्क्वेट भाटभटेनी, काठमाडौंमा बिहान १० बजे बस्दैछ । कम्पनीले मुनाफाबाट कुनै पनि लाभांश प्रस्ताव गरेको छैन ।
श्वेत गंगा हाइड्रोपावरको छैठौं सभा कुण्डालिनी दरबार एण्ड बैंक्वेट, चन्डोल काठमाडौंमा बिहान ११ बजे बस्नेछ । कम्पनीले मुनाफाबाट कुनै पनि लाभांश प्रस्ताव गरेको छैन ।
महालक्ष्मी विकास बैंकको २१औं वार्षिक साधारण सभा आर्मी अफिसर्स क्लब भद्रकाली काठमाडौंमा बिहान ११ बजे बस्नेछ । सभाले गत आवको मुनाफाबाट शेयरधनीहरुलाई प्रस्ताव गरेको ४ प्रतिशत बोनस शेयर र ६.४७ प्रतिशत नगद लाभांश गरी कुल १०.४७ प्रतिशत लाभांश पारित गर्नेछ ।
आरएडसीडी लघुवित्त वित्तीय संस्था लिमिटेडको नवौं साधारण सभा एशियन होटल बुटवलमा बिहान ९ बजे बस्नेछ । कम्पनीले गत आवको मुनाफबाट प्रस्ताव गरेको ८ प्रतिशत बोनस शेयर र ३ प्रतिशत नगद लाभांश गरी कुल ११ प्रतिशत लाभांश प्रस्ताव गरेको छ ।
शिवम् सिमेन्ट्सको सातौं वार्षिक साधारण सभा होटल सामना हेटौंडामा बिहान १० बजे बस्नेछ । सभाले संचालक समितिबाट प्रस्तावित १०.५३ प्रतिशत नगद लाभांश प्रस्ताव पारित गर्नेछ ।
वि.सं.२०७९ पुस २९ शुक्रवार ०९:४१ मा प्रकाशित