काठमाडौं । बैंकहरु आपसमा गाभिएसँगै गाभिने दुवै बैंकमा बचत खाता रहेका कतिपय सर्वसाधारण अन्योलमा परेका छन् ।
बैंकहरुले दोहोरो खाता हुनेलाई सूचना दिएर एउटा खातामा भएको रकम अर्कोमा स्थानान्तरण गरी दुईमध्ये एक खाता बन्द गर्ने मौका दिने भएका छन् ।
बैंकहरु एक आपसमा मर्ज भएपछि दोहोरो खाता हुने व्यक्तिले एउटा खाता बन्द गर्नु पर्ने भएको हो । बैंकहरुले एकीकृत कारोबारपछि दोहारो खाता हुने व्यक्तिलाई एउटा खाता बन्द अनुरोध गर्ने भएका छन् । त्यसका लागि ग्राहकलाई दुईमध्ये कुन खाता बन्द गर्ने भन्ने छनोटको अवसर दिइने भएका छन् ।
व्यक्तिले एउटा बैंकमा एकभन्दा बढी बचत खाता सञ्चालन गर्न नमिल्ने नीति भएकाले दोहोरो खाता हुने व्यक्तिले एउटा बन्द गर्न अनुरोध गर्ने बैंकका कर्मचारीहरु बताउँछन् । यसको लागि आजको भोली नै दोहोरो खाता हुने व्यक्तिलाई बन्द गर्न भने भन्ने छैनन्। त्यसका लागि समय भने दिइने भएको छ ।
एक आपसमा गाभिएका दुवै बैंकमा वचत खाता एकीकृत कारोबारपछि पनि छोटो अवधिलाई सञ्चालनमैं आउनेछन । तर, लामो समय भने एउटै बैंकमा दोहोरो खाता चलाउन पाइने छैन ।
वि.सं.२०७९ पुस २९ शुक्रवार ०९:२२ मा प्रकाशित
