काठमाडौं । एक्सेल डेभलपमेन्ट बैंक, स्वावलम्बन लघुवित्त, पञ्चकन्या माई हाइड्रोपावर, महिला लघुवित्त र नेशनल माइक्रोफाइनान्स लघुवित्तले पुस महिनाभित्र साधारण सभा नगर्ने जानकारी गराएको छ । कम्पनीहरुलेले नेप्सेमार्फत जानकारी गराउँदै तत्कालै सभा नगर्ने जनाएको हो ।
एक्सेल डेभलपमेन्ट बैंकले आ.व. २०७८/०७९ को वाह्य लेखा परीक्षण कार्य सम्पन्न भई वार्षिक वित्तीय विवरणहरु नेपाल राष्ट्र बैंकमा स्वीकृतिको अवस्थामा रहेकोले साधारण सभा पुस भित्र गर्ने नसकिने जानकारी दिएको छ ।
स्वावलम्बन लघुवित्तले वित्तिय विवरण राष्ट्र बैंकमा पेश भई स्विकृतिको प्रकृयामा रहेकाले सभा गर्न नसक्ने जनाएको छ ।
त्यसैगरी, पञ्चकन्या माइ हाइड्रोपावरले वाह्य लेखा परीक्षण सम्पन्न भएको साधारण सभा गर्न सूचना प्रकाशन गर्न समय नपुगेकोले सभा गर्न नसक्ने जनाएको छ ।
महिला लघुवित्तले लेखापरीक्षणको कार्य सम्पन्न भएको तर वित्तिय विवरण राष्ट्र बैंकमा स्विकृतीको प्रकृयामा रहेकाले सभा गर्न नसक्ने जनाएको छ ।
नेशनल माइक्रोफाइनान्स लघुवित्तले आ.व ०७८/७९ को वित्तिय विवरण राष्ट्र बैंकमा स्विकृतीको प्रकृयामा रहेकाले सभा गर्न नसक्ने जनाएको छ ।
साथै, यी कम्पनीहरुले आ.व.२०७८/०७९ को वार्षिक साधारण सभा २०७९ साल चैत्र मसान्त सम्ममा सम्पन्न गरिने पनि लघुवित्तले जनाएको छ।
वि.सं.२०७९ पुस २९ शुक्रवार १६:३५ मा प्रकाशित
