सिन्धुली । एक किलो गाँजासहित धन कुमार वाईबा पक्राउ परेका छन ।
सिन्धुली, घ्याङलेख गाउँपालिका–२ चालिसे बगर बस्ने ४० वर्षीय वाइवा अवैध लागूऔषध गाँजा करिब १ किलो सहित प्रहरीले पक्राउ गरेको हो ।
सिन्धुली प्रहरीका अनुसार विशेष सूचनाका आधारमा जिल्ला प्रहरी कार्यालय सिन्धुलीबाट खटिएको प्रहरीले उनको घर तलासी गर्दा लुकाई राखेको अवस्थामा उक्त लागूऔषध फेला पारी उनलाई पक्राउ गरेको हो ।
गाँजा मुद्धाका फरार लावती झापा कारागार चलान
झापा । लागूऔषध गाँजा मुद्दाका फरार भिम कुमारी लिम्बु लावतीलाई प्रहरीले पक्राउ गरेको छ ।
कमल गाउँपालिका– ३ की ३८ वर्षीय लावतीलाई पक्राउ गरेको हो ।
जिल्ला अदालत झापाको २०७७ असोज १५ गतेको फैसलाले लागूऔषध गाँजा मुद्दामा ७ महिना कैद र २ हजार रूपैयाँ जरिवाना सजाय ठहर भई फरार रहेका उनलाई जिल्ला प्रहरी कार्यालय झापाबाट खटिएको प्रहरीले पक्राउ गरेको हो ।
उनलाई फैसला कार्यान्वयनको लागि जिल्ला अदालत झापा चन्द्रगढीमा उपस्थित गराइएकोमा अदालतको आदेशले कैद भुक्तानको लागि कारागार कार्यालय झापा पठाइएको छ ।
वि.सं.२०७९ पुस २९ शुक्रवार १६:४७ मा प्रकाशित
