काठमाडौं । फर्स्ट माइक्रोफाइनान्सको चालु आर्थिक वर्षको दोस्रो त्रैमाससम्ममा खुद नाफा ३८.३५ प्रतिशतले बढेर १४ करोड ४४ लाख ८३ हजार रुपैयाँ पुगेको छ । अघिल्लो वर्षको यसैअवधिमा यसले १० करोड ४४ लाख ३३ हजार रुपैयाँ खुद नाफा कमाएको थियो ।
यस अवधिमा कम्पनीको ब्याज आम्दानी २६.४६ प्रतिशतले बढेर २३ करोड ५ लाख पुगेको छ । कम्पनीको संचालन मुनाफा ३८.६८ प्रतिशतले बढेर २० करोड ६४ लाख पुगेको छ ।
कम्पनीको चुक्ता पुँजी १ अर्ब १४ करोड रहेको छ । कम्पनीले लिएको सापटी ८ अर्ब ७३ करोड रहेको छ भने १० अर्ब ९ करोड कर्जा प्रवाह गरेको छ । कम्पनीको सापटी र कर्जा प्रवाह क्रमश ७.६७ प्रतिशत र २.८९ प्रतिशतले घटेको छ ।
यस अवधिमा कम्पनीको प्रति शेयर आम्दानी २५ रुपैयाँ १८ पैसा रहेको छ भने प्रति शेयर नेटवर्थ १३३ रुपैयाँ २७ पैसा रहेको छ । कम्पनीको खराब कर्जा ०.१७ प्रतिशत रहेको छ ।
वि.सं.२०७९ माघ ४ बुधवार १०:०६ मा प्रकाशित