काठमाडौं । दरम खोला हाइड्रो इनर्जी लिमिटेडले आईपीओ निष्काशन गर्ने भएको छ ।
कम्पनीले सर्वसाधारणमा बिक्री गरिने रु.१०० अंकित दरका ३९ करोड ५० लाख रुपैंया रकम बराबरको ३९ लाख ५० हजार कित्ता साधारण शेयर निष्काशन तथा बिक्री गर्ने भएको हो ।
आईपीओ निष्काशन तथा बिक्री प्रबन्धकमा लक्ष्मी क्यापिटल मार्केट लिमिटेडसँग सम्बन्धी सम्झौता गरेको छ । उक्त सम्झौतामा लक्ष्मी क्यापिटलको तर्फबाट प्रमुख कार्यकारी अधिकृत राजीव सापकोटा र दरम खोला हाइड्रो इनर्जी लिमिटेडको तर्फबाट अध्यक्ष नर बहादुर पुनले हस्ताक्षर गर्नुभएको छ ।
दरम खोला हाइड्रो इनर्जी लिमिटेडको बाग्लुङ्गको गलकोट नगरपालिका वडा नंं.११ मा ९.६ मेगावाट क्षमताकोे जलबिद्युत आयोजना निर्माणाधिन ८० प्रतिशत कार्य सम्पन्न भईसकेको छ ।
वि.सं.२०७९ माघ ६ शुक्रवार ११:२७ मा प्रकाशित