काठमाडौं । साताको तेस्रो कारोबार दिन सेयर बजारमा दोहोरो अंकको गिरावट आएको छ । उक्त दिन सेयर बजार १५.७४ अंकले घटेको हो ।
उक्त दिन नेप्से परिसुचक २१११.६३ अंकको बिन्दुमा पुगेर बन्द भएको छ । आज सेयर बजार घट्दा २ अर्ब ८२ करोड ४५ लाख ४० हजार रुपैंया बराबरको कारोबार भएको छ ।
आज नेप्सेमा सूचिकृत २५९ कम्पनीको ७५ लाख ५३ हजार २३५ कित्ता सेयर किनबेच भएको छ । आज नेप्सेमा रहेको हाइड्रोपावर समूह बाहेक सबैम सबै उपसूचकमा राताम्मै छाएको छ ।
सेयर बजारमा गिरावट आउँदा प्राइम लाइफ इन्स्योरेन्सको सेयर मूल्य उच्च दरमा घटेको छ । कम्पनीको सेयर मूल्य ५.२१ प्रतिशतले घटेको छ ।
त्यस्तै,मनकामना स्मार्ट लघुवित्तको ४.९७ प्रतिशत, गणपति लघुवित्तकोको ४.४६ प्रतिशत, सगरमाथा इन्स्योरेन्सको ४.३० प्रतिशतले सेयर मूल्य घटेको छ ।
वि.सं.२०७९ माघ १७ मंगलवार १५:०७ मा प्रकाशित