काठमाडौं । नेपाल राष्ट्र बैंकले समस्याग्रस्त सुपर लघुवित्त वित्तीय संस्था लिमिटेडको संचालक समिति निलम्बन गरेको छ । दाङ तुलसीपुरमा केन्द्रीय कार्यालय रहेको सो लघुवित्तलाई केन्द्रीय बैंकले निगरानीमा राखी संचालक समितिलाई निलम्बन गरेको हो ।
विभागका अनुसार लघुवित्तको व्यवस्थापन समेत नियन्त्रणमा लिई, संस्थाको व्यवस्थापनको लागि राष्ट्र बैंकबाट व्यवस्थापन समुह नियुक्त गरिएको छ । राष्ट्र बैंकले गठन गरेको व्यवस्थापन समुहले माघ २३ गते सोमबार बाट लघुवित्तको व्यवस्थापन संचालन गर्ने छ ।
राष्ट्र बैंकका उपनिर्देशक दिपक पोखरेलको जिम्मेवारीमा सहायक निर्देशक रेवती पौडेल र निरज दाहालको टिमले लघुवित्तको व्यवस्थापन सम्हाल्ने जनाइएको छ ।
हेर्नुहोस् सूचना
वि.सं.२०७९ माघ २२ आइतवार ११:३४ मा प्रकाशित
