काठमाडौं । बीमा अभिकर्ताहरुलाई आवश्यक डकुमेन्ट बुझाउन नेपाल बीमा प्राधिकरणले निर्देशन दिएको छ । प्रधिकरणले आफु कार्यरत बीमा कम्पनीहरुसँग सम्पर्क गरी आवश्यक डकुमेन्ट बुझाउन निर्देशन दिएको हो ।
प्राधिकरणले बीमा अभिकर्ताको एसएलसी वा सो भन्दा माथिको लब्धांक पत्र र चारित्रिक प्रमाण पत्र, नेपाली नागरिताको प्रतिलिपि, पासपार्ट साइजको फोटो र स्थायी लेखा नम्बर (प्यान) कार्ड बुझाउन निर्देशन दिएको हो ।
उक्त कागजपत्रहरु तत्काल बीमकको कार्यालयमा नबुझाए बीमा अभिकर्ताको इजाजतपत्र नविकरण नहुने प्राधिकरणले जनाएको छ ।
बीमा ऐन २०७९ को दफा ११(७) बमोजिम बीमा अभिकर्ताहरुको इजाजतपत्र दिँदा समान किसिमको एउटा मात्र बीमकको बीमा अभिकर्ताको इजाजतपत्र दिइनेछ भने व्यवस्था रहेको छ ।
वि.सं.२०७९ माघ २४ मंगलवार ११:५३ मा प्रकाशित
