काठमाडौं । दुई कम्पनीले आ–आफ्ना शेयरधनीहरुको खातामा नगद लाभांश पठाउन सुरु गरेको छ । श्री इन्भेष्टमेन्ट एण्ड फाइनान्स र हिमालयन डिष्टिलरीले साधारण सभाबाट पारित भएको लाभांश सम्बन्धित शेयरधनीको खातामा पठाउन सुरु गरेको हो ।
श्री इन्भेष्टमेन्ट एण्ड फाइनान्सको गत पुस २९ गते सम्पन्न साधारण सभाबाट पारित भएको ५.२० प्रतिशत नगद लाभांश सम्बन्धित शेयरधनीहरुको हितग्राही खातामा अद्यावधिक रहेको बैंक खातामा जम्मा गरिदिएको हो ।
साथै, हिमालयन डिष्टिलरीको पुस २७ गते सम्पन्न साधारण सभाबाट पारित भएको १० प्रतिशत नगद लाभांश सम्बन्धित शेयरधीहरुको हितग्राही खातामा अद्यावधिक रहेको बैंक खातामा पठाएको हो ।
यी दुईवटै कम्पनीले लाभांश खातामा नआएका सेयरधनीहरुलाई डिम्याट खातामा बैंक खाता अद्यावधिक गर्न अनुरोध गरेको छ । त्यसपछि मात्र लाभांश खातामा पठाइने कम्पनीले जनाएको छ ।
वि.सं.२०७९ माघ २६ बिहीवार ११:२७ मा प्रकाशित
