काठमाडौं । गुराँस लघुवित्तले चालु आर्थिक वर्षको दोस्रो त्रैमाससम्मको वित्तिय विवरण प्रकाशित गरेको छ ।
यस अवधिसम्म आइपुग्दा लघुवित्तले २ लाख ४७ हजार रुपैयाँ खुद नाफा कमाएको छ । यो अघिल्लो वर्षको यसैअवधिमा ९६.६६ प्रतिशतले कम हो । अघिल्लो वर्षको यसैअवधिमा यसले ७३ लाख ८९ हजार रुपैयाँ खुद नाफा कमाएको थियो ।
यसअवधिमा यसको खुद ब्याज आम्दानी ३६.०७ प्रतिशतले घटेर २ करोड २४ लाख ५३ हजार रुपैयाँमा सीमित भएको छ ।
समिक्षा अवधिमा य कम्पनीले १३ लाख ८२ हजार रुपैयाँ सञ्चालन नोक्सान व्यहोर्न परेको छ । पुस मसान्तसम्म आइपुग्दा प्रतिसेयर आम्दानी ४९ पैसा र प्रतिसेयर नेटवर्थ १२० रुपैयाँ २७ पैसा छ । कम्पनीको खराब कर्जा १.२३ प्रतिशतले बढेर ४.२७ प्रतिशत पुगेको छ ।
वि.सं.२०७९ माघ २६ बिहीवार ११:४७ मा प्रकाशित