काठमाडौं । एनएलजी इन्स्योरेन्सले चालु आर्थिक वर्षको दोस्रो त्रैमाससम्ममा ३.६२ प्रतिशतले खुद नाफा वृद्धि गरी १० करोड ६६ लाख ५२ हजार रुपैयाँ पुर्याएको छ ।
गत वर्षको यसै अवधिमा १० करोड २९ लाख २४ हजार रुपैयाँ खुद नाफा गरेको थियो । कम्पनीको खुद बिमा शुल्क आम्दानी २.८६ ले मात्र बढेर ४३ करोड ९३ लाख ६३ हजार रुपैयाँ पुगेको छ । बिमा कोषमा १ अर्ब २० करोड २९ लाख रुपैयाँ जम्मा भएको छ ।
यस अवधिमा कम्पनीको रिजर्भ कोष ६.६४ प्रतिशतले घटेर ३४ करोड १६ लाख रुपैयाँमा आएको छ । हाल यसको चुक्ता पुँजी १ अर्ब ३२ करोड ६६ लाख १४ हजार रुपैयाँ छ ।
इन्स्योरेन्सको वार्षिक प्रतिसेयर आम्दानी १६ रुपैयाँ ८ पैसा कायम भएको छ । कम्पनीको प्रतिसेयर नेटवर्थ भने २२१ रुपैयाँ १५ पैसा रहेको छ ।
वि.सं.२०७९ फागुन १ सोमवार ११:१० मा प्रकाशित
