काठमाडौं । मिथिला लघुवित्त र महिला लघुवित्तको लाभांश सुरक्षित गर्ने आज फागुन ४ गते बिहीबार अन्तिम दिन रहेको छ। यी दुई कम्पनीहरुले साधारण सभा तथा लाभांश प्रयोजनार्थ फागुन ५ गते शुक्रबार बुक क्लोज गर्दैछन् ।
त्यसकारण आज बिहीबारसम्म कायम सेयरधनीले मात्र सभामा भाग लिन तथा लाभांश प्राप्त गर्न सक्नेछन् ।
मिथिला लघुवित्त वित्तीय संस्थाले गत वर्षको नाफाबाट प्रस्ताव गरेको १५ प्रतिशत बोनस सेयर र कर तिर्न ०.७८९ प्रतिशत नगद लाभांश गरी जम्मा १५.७८९ प्रतिशत लाभांश वितरण गर्ने भएको छ । लाभांश पारित गर्न कम्पनीले फागुन १७ गते न्यू बौवा होटल एन्ड गेष्ट हाउसको सभाहल, लालगढ धनुषामा साधारण सभा बोलाएको छ ।
महिला लघुवित्त वित्तीय संस्थाले ४७.५ प्रतिशत बोनस सेयर र २.५ प्रतिशत नगद गरी कुल ५० लाभांश वितरण गर्ने भएको छ । सोही लाभांश पारित गर्न कम्पनीले फागुन २१ गते वार्षिक साधारण सभा बस्दैछ । सभा आगन्तुक रिसोर्ट भ्युटार मार्ग धुलिखेल काभ्रेमा बिहान ११ बजेदेखि सुरु हुनेछ ।
वि.सं.२०७९ फागुन ४ बिहीवार ०८:२८ मा प्रकाशित