काठमाडौं । डिप्रोक्स लघुवित्त वित्तीय संस्थाले आदर्श लघुवित्त वित्तीय संस्थालाई प्राप्ति गर्ने प्रस्तावलाई अन्तिम स्वीकृती दिन डिप्रोक्स लघुवित्त र आदर्श लघुवित्तले साधारण सभा बोलाएका छन्। यी दुबै लघुवित्तले फागुन ३० गते साधारण सभा बोलाएका हुन्।
डिप्रोक्स लघुवित्तको एक्काइसौँ वार्षिक साधारण सभा होटल सेभेन स्टार प्रा.लि., सौराहा, चितवनमा बिहान ११ बजे शुरु हुनेछ। त्यसैगरी, आदर्श लघुवित्तको पाँचौ वार्षिक साधारण सभा गौतम भिलेज रिर्सोट, सिनागल, काभ्रेपलाञ्चोकमा बिहान ११ बजे शुरु हुनेछ।
यी दुबैको सभाले डिप्रोक्स लघुवित्तले आदर्श लघुवित्तलाई १ः१ शेयर स्वाप अनुपातमा प्राप्त गर्ने, प्राप्ति सम्बन्धी सम्पूर्ण कार्य गर्न सञ्चालक समितिलाई अख्तियारी दिने, प्राप्तिपश्चात डिप्रोक्स लघुवित्तको नामबाट एकिकृत कारोबार गर्नेलगायतका प्रस्तावहरु पारित गर्नेछ।
यसका साथै डिप्रोक्सको सभाले १० प्रतिशतका दरले बोनस शेयर र सोको कर प्रयोजनार्थ सहित ११.०५२६३२ प्रतिशत नगद लाभांश वितरण गर्ने प्रस्ताव पनि पारित गर्नेछ।
त्यसैगरी, आदर्श लघुवित्तको सभाले २० प्रतिशतका दरले बोनस शेयर र सोको कर प्रयोजनार्थ १.०५ प्रतिशत नगद लाभांंश वितरण गर्ने, साधारण शेयरधनीहरुको तर्फबाट २ जना सञ्चालकहरुको निर्वाचन गर्ने लगायतका प्रस्तावहरु पनि पारित गर्नेछ।
साधारण सभा तथा लाभांश वितरण प्रयोजनार्थ डिप्रोक्स लघुवित्तले फागुन १९ गते बुकक्लोज गर्ने भएको छ भने आदर्श लघुवित्तले फागुन १६ गते बुकक्लोज गर्ने भएको छ।
अघिल्लो कारोबार दिनसम्म नेप्सेमा कारोबार भइ कायम शेयरधनीहरुले यी लघुवित्तहरुका साधारण सभामा सहभागिता जनाउन तथा यी कम्पनीहरुले वितरण गर्ने लाभांश प्राप्त गर्न सक्नेछन्।
वि.सं.२०७९ फागुन ९ मंगलवार १०:२२ मा प्रकाशित
