काठमाडौं ।अब एउटा मात्रै लघुवित्तबाट कर्जा लिनुपर्ने भएको छ । राष्ट्र बैंकले बुधबार लघुवित्त कम्पनीहरुलाई निर्देशन जारी गर्दै यस्तो व्यवस्था गरेको हो
। ग्रामीण क्षेत्रका ग्राहकले धेरै लघुवित्तबाट ऋण लिएर समस्यामा परेको देखिएपछि राष्ट्र बैंकले लघुवित्तको ऋण प्रवाहमा कडाई गरेको हो । यो निर्देशन आउनु अघिको कर्जाको हकमा भने ऋण भुक्तानी तालिका बमोजिम गर्ने व्यवस्था गरिएको राष्ट्र बैंकले जनाएको छ ।
लघुवित्तबाट ऋण लिने ग्राहक वाणिज्य बैंक, विकास बैंक र फाइनान्स कम्पनीबाट कर्जा लिएको हुन नहुने कडा व्यवस्था पछिल्लो निर्देशनमा छ ।
वि.सं.२०७९ फागुन १० बुधवार १९:३७ मा प्रकाशित
