काठमाडौं । नेपाल स्टक एक्सचेञ्ज (नेप्से)ले तीन कम्पनीको सेयरमूल्य समायोजन गरेको छ । सिभिल लघुवित्त, प्रभु लाइफ इन्स्योरेन्स र सबैको लघुवित्तको सेयरमूल्य समायोजन गरेको हो ।
सिभिल लघुवित्तको ११ प्रतिशत बोनस सेयरको समायोजनपछि सेयरमूल्य ६७४ रुपैयाँ ७७ पैसा तोकेको छ । कम्पनीको बिहीवार कायम अन्तिम सेयरमूल्य १ हजार ७४९ रुपैयाँको आधारमा सेयरमूल्य समायोजन भएको हो ।
प्रभु लाइफ इन्स्योरेन्सको ६.७० प्रतिशत बोनस शेयर पछि प्रतिइकाई ५२० रुपैयाँ ९९ पैसा कायम भएको छ । नेप्सेले बिहीबारको अन्तिम कारोबार मूल्य ५५५ रुपैंया ९० पैसाका आधारमा मूल्य समायोजन गरेको छ ।
त्यसैगरी, सबैको लघुवित्तको १८ प्रतिशत बोनस शेयर पछि प्रतिइकाई ७११ रुपैयाँ ८६ पैसा कायम भएको छ । नेप्सेले बिहीबारको अन्तिम कारोबार मूल्य ८४०रुपैयाँका आधारमा मूल्य समायोजन गरेको छ । सोही मूल्यकै आधारमा दोस्रो दिन यी तीन वटै कम्पनीको सेयर कारोबार खुल्नेछ ।
वि.सं.२०७९ फागुन ११ बिहीवार १६:०७ मा प्रकाशित
