काठमाडौं । नेपाल टेलिकमले विभिन्न पदका लागि ७३ जना कर्मचारीको माग गरेको छ । टेलिकमले विभिन्न १३ पदका लागि उक्त कर्मचारी माग गरेको हो । कम्पनीले जुनियर टेक्निसियनदेखि उपप्रबन्धक पदका लागि कर्मचारी माग गरेको हो ।
शुक्रबार कम्पनीले निर्देशक तह ११ का लागि ४ जना, प्रबन्धक तह १० का लागि ८ जना, प्रबन्धक तह १० सिभिलमा १ जना, तह १० प्रबन्धक प्रशासनमा १ जना, तह १० प्रशासनमा लेखामा २ जना माग गरेको छ ।
त्यस्तै, तह ९ उप प्रबन्धक टेलिकम, लेखा प्रशासन गरी १३ जना, तह ८ वरिष्ठ तर्फ इन्जिनियर, लेखा, प्रशासक र व्यापार गरी ११ जना, तह ७ अधिकृतमा प्राबिधिक, लेखा, प्रशासान र व्यापार गरी ३५ जना माग गरेको छ । साथै, तह ६ सहायकमा प्रशासा, लेखा र व्यापार गरी ११ जना, सिनियर र वरिष्ठ गरी टेक्निसियन तह ५ तर्फ १३ जना, टेक्निसीयन तह ४ र जुनियर टेक्निसीयन तह ३ गरी ६ र ८ जना माग गरिएको छ ।
यी पदमा २ चैतसम्म आवेदन दिने सकिने भएको छ । दोब्बर दस्तुर तिरेर ९ चैतसम्म आवेदन दिन सकिने टेलिकमले जनाएको छ । आवेदनका लागि अधिकृत स्तरबाट माथि ८ सय रुपैयाँ दस्तुर तोकिएको छ । सहायक स्तरका लागि ३ रुपैयाँ दस्तुत राखिएको छ ।
वि.सं.२०७९ फागुन १२ शुक्रवार १३:५९ मा प्रकाशित