काठमाडौं । लक्ष्मी लघुवित्त वित्तीय संस्थाको लाभांश सुरक्षित गर्ने आज अर्थात फागुन १६ गते मंगलबार अन्तिम दिन हो । कम्पनीले लाभांश र साधारण सभा प्रयोजनार्थ भोली फागुन १७ गते बुक क्लोज गर्दैछ ।
त्यसकारण आजसम्म सेयर खरिद गर्ने लगानीकर्ताले प्रस्तावित लाभांश र साधारण सभामा भाग लिन सक्नेछन् ।
लघुवित्तले गत आर्थिक वर्षको नाफाबाट १५ प्रतिशत बोनस सेयर र ५ प्रतिशत नगद लाभांश (कर सहित) गरी जम्मा २० प्रतिशत लाभांश वितरण गर्दैछ ।
उक्त लाभांश पारित गर्न लक्ष्मी लघुवित्तले फागुन २९ गते वार्षिक साधारण सभा बोलाएको छ । सभा अग्रवाल भवन कमलपोखरी, काठमाडौंमा बिहान ११ बजेबाट सुरु हुनेछ ।
वि.सं.२०७९ फागुन १६ मंगलवार ०९:५२ मा प्रकाशित