काठमाडौं । साताको तेस्रो कारोबार दिन सेयर बजारमा गिरावट आएको छ । उक्त दिन बजार ३.८१ अंकले घटेको हो ।
आज नेप्से परिसुचक २०१९.७३अंकको बिन्दुमा पुगेर बन्द भएको छ । आज सेयर बजार घट्दा १ अर्ब ३८ करोड ७८ लाख ६५ हजार रुपैंया बराबरको कारोबार भएको छ ।
उक्त दिन सबैभन्दा बढी यूनिभर्सल पावर कम्पनीको कारोबार भएको छ । आज कम्पनीको ७ करोड ५५ लाख ११ हजार रुपैया बराबरको कारोबार भएको छ ।
कारोबार रकमको आधारमा दोस्रो स्थानमा रहेको शिभम् सिमेन्ट्रसको ६ करोड ५० लाख ६९ हजार रुपैयाँ बराबरको सेयर खरिद बिक्री भएको छ ।
त्यस्तै उक्त दिन सानिमा माई हाइड्रोपावरको ६ करोड ४६ लाख १३ हजार रुपैयाँ, निफा्रको ३ करोड ७६ लाख २४ हजार रुपैयाँ र हिमालयन डिस्टीलरीको ३ करोड ४४ लाख ६० हजार रुपैयाँको कारोबार भएको हो ।
वि.सं.२०७९ फागुन १६ मंगलवार १५:१२ मा प्रकाशित
