काठमाडौं । नेपाल स्टक एक्सचेञ्ज (नेप्से)मा सुपर मादी हाइड्रोपावर र शुभम् पावर लिमिटेडको आइपीओ सूचिकृत भएको छ ।
नेप्सेमा सुपर मादी हाइड्रोपावरको २ करोड १० लाख कित्ता सेयर सूचिकृत भएको हो । कम्पनीको पहिलो कारोबारका लागि ९९ रुपैंया ८० पैसा देखि अधिकतम २९९ रुपैंया ४० पैसासम्म ओपनिङ रेञ्ज निर्धारण गरिएको छ । कम्पनीको स्टक सिम्बोल एसएमएचएल रहेको छ ।
कम्पनीले स्थानिय बासिन्दाहरुमा वितरण गरिएको १० लाख ५० हजार कित्ता, सर्वसाधारणको लागि वितरण गरेको २१ लाख कित्ता र संस्थापकहरूले लगानी गरेको १ करोड ७८ लाख ५० हजार कित्ता गरेर कुल २ करोड १० लाख कित्ता साधारण सेयर सूचीकृत गराएको हो ।
त्यसैगरी, शुभम् पावर लिमिटेडको २० लाख कित्ता सेयर सूचिकृत भएको हो । कम्पनीको पहिलो कारोबारका लागि ८८ रुपैंया ४८ पैसा देखि अधिकतम २६५ रुपैंया ४४ पैसासम्म ओपनिङ रेञ्ज निर्धारण गरिएको छ । कम्पनीको स्टक सिम्बोल एसपिएल रहेको छ ।
कम्पनीले स्थानिय बासिन्दाहरुमा वितरण गरिएको १४ हजार ४२० कित्ता, सर्वसाधारणको लागि वितरण गरेको ५ लाख ८० हजार ५८० कित्ता र संस्थापकहरूले लगानी गरेको १४ लाख कित्ता गरेर कुल २० लाख कित्ता साधारण सेयर सूचीकृत गराएको हो ।
सूचिकृत पश्चात दुवै कम्पनीको सेयर भोलीबाट धितोपत्र दोस्रो बजारमा कारोबार सुरु हुनेछ ।
वि.सं.२०७९ फागुन १८ बिहीवार १२:३४ मा प्रकाशित