काठमाडौं । नेशनल माइक्रोफाइनान्सको लाभांश परिमार्जन भएको छ। नेपाल राष्ट्र बैंकको निर्देशनपछि लाभांश पमिार्जन गरीएको कम्पनीले जनाएको छ ।
कम्पनीले यस अघि आर्थिक वर्ष ०७८/७९ को मुनाफाबाट हाल कायम चुक्ता पुँजीको ३८.५ प्रतिशत बोनस शेयर बितरण गर्ने प्रस्ताव गरेको थियो । तर नेपाल राष्ट्र बैंकको निर्देशनपछि अब कम्पनीले हाल कम्पनीको चुक्ता पुँजी ५८ करोड ६६ लाखको ३४.४५ प्रतिशत बोनस शेयर मात्र बितरण गर्ने प्रस्ताव गरेको हो ।
अब उक्त लाभांश नेपाल राष्ट्र बैंकले स्वीकृति दिएपछि र कम्पनीको आगामी साधारणसभाले पारित गरेपछि लगानीकर्तामा बितरण हुने छ ।
वि.सं.२०७९ फागुन १९ शुक्रवार १०:२५ मा प्रकाशित
