काठमाडौं । भोलि बिपिडब्लु लघुवित्तको आईपीओमा आवेदन दिने अन्तिम दिन रहेको छ ।
लघुवित्तले आफ्नो जारी पूँजी ३ करोड रुपैयाँको ३२.३३ प्रतिशतले हुन आउने ९७ लाख रुपैयाँ बराबरको प्रतिशेयर १०० रुपैयाँ अंकित मूल्यका ९७ हजार कित्ता शेयर निष्काशनमा ल्याएको हो ।
त्यसमध्ये ९ हजार ७०० कित्ता शेयर वैदेशिक रोजगारीमा रहेका नेपालीहरुमा बाँडफाँ8 गरिसकेको छ भने १ हजार ५०० कित्ता शेयर कर्मचारीहरु तथा ४ हजार ८५० कित्ता सामूहिक लगानी कोषका लागि सुरक्षित गरिएको छ । सर्वसाधारणलाई बाँकी रहेको ८० हजार ९५० कित्तामा सेयरमा सर्वसाधारण लगानीकर्ताले आवेदन दिन सक्नेछन् ।
कम्पनीको आईपीओमा फागुन २१ गतेसम्ममा १ अर्ब २२ करोड ९३ लाख ६५ हजार रुपैयाँ बराबरको आवेदन परेको छ । यसमा ११ लाख १३ हजार ५८३ जनाले १ करोड २२ लाख ९३ हजार ६५० कित्ताका लागि आवेदन दिएका छन् । यो सर्वसाधारको लागि बिक्री खुला गरिएको कित्तालाई आधार मान्दा १५१.८६ गुणा बढी आवेदन हो ।
यसमा न्यूनतम १० कित्तादेखि अधिकतम १ हजार कित्ताका लागि आवेदन दिन पाइनेछ । यस आइपीओमा मेगा क्यापिटल बिक्री प्रबन्धक रहेको छ ।
वि.सं.२०७९ फागुन २२ सोमवार १५:५३ मा प्रकाशित
