काठमाडौं । आज अर्थात फागुन २५ गते विभिन्न ३ वटा कम्पनीको लाभांश सुरक्षित गर्ने अन्तिम दिन रहेको छ ।
साधारणसभा प्रयोजनको लागि फागुन २६ गते बुक क्लोज गर्ने निर्णय गरेको साल्ट ट्रेडिङ लिमिटेड तथा फागुन २८ गते बुक क्लोज गर्ने निर्णय गरेका साना किसान लघुवित्त र शांग्रिला डेभलपमेन्ट बैंकको लाभांश सुरक्षित गर्ने आज फागुन २५ गते अन्तिम दिन हो।
साल्ट ट्रेडिङ कर्पोरेशनले १० प्रतिशत बोनस शेयर र ५ प्रतिशत नगद लाभांश बितरण गर्ने प्रस्ताव गरेको छ । सोही लाभांश पारित गर्न कम्पनीले चैत्र १० गते साधारणसभा बोलाएको छ ।
साना किसान लघुवित्तले २६ प्रतिशत बोनस शेयर र १.३६८४ प्रतिशत नगद लाभांश बितरण गर्ने प्रस्ताव गरेको छ ।लघुवित्तले चैत्र १० गते साधारणसभा बोलाएको छ ।
शंग्रिला डेभलपमेन्ट बैंकले ८.५३४ प्रतिशत बोनस शेयर र ०.४४९ प्रतिशत नगद लाभांश बितरण गर्ने प्रस्ताव गरेको छ । बैंकले चैत्र १७ गते साधारणसभा बोलाएको छ ।
वि.सं.२०७९ फागुन २५ बिहीवार १०:१३ मा प्रकाशित
