काठमाडौं । हिमालयन बैंकको सेयर नेपाल स्टक एक्स्चेञ्ज(नेप्से) मा सूचिकृत भएको छ ।
साविकको हिमालयन र सिभिल बैंक एक आपसमा गाभ्नेर गाभिने गर्दा १ः०.८०२८ को अनुपातमा कायम हुन आएको प्रति सेयर अंकित तथा चुक्ता मूल्य १०० रुपैंयाका दरको क्रम संख्या १ देखि ७ करोड ६५ लाख ३ हजार ९१८.४९ कित्ता शेयर सूचिकृत भएको हो ।
धितोपत्र सूचिकरण विनियमावली २०७५ बमोजिम नेप्सेमा कारोबार हुने गरी संलग्न सम्झौता, शर्तहरु पालना गर्नेगरी फागुन २३ गतेको निर्णायनुसार सूचिकृत गरिएको नेप्सेले जानकारी दिएको छ ।
साथै, सिभिल बैंकको सूचिकरण खारेज गरी हिमालयन बैंकको एचबिएल स्टक सिम्बोलको नाममा कारोबार गर्ने पनि जनाएको छ । सूचीकृतपश्चात् उक्त शेयर आइतबारदेखि नै कारोबारमा आउनेछ ।
वि.सं.२०७९ फागुन २५ बिहीवार १२:३६ मा प्रकाशित
