काठमाडौं । नेपाल बैंकर्स संघले बचतको ब्याजदर घटाउने निर्णय गरेको छ। बिहीबार बसेको संघको बैठकले चैत १ गतेबाट लागु हुनेगरी ब्याजदर घटाउने निर्णय गरेको हो।
संघ ऋणको ब्याजदर घटाउनमा केन्द्रित भएको संघका अध्यक्ष सुनिल केसीले जानकारी दिए। अब माघ र चैतको एकैपटक समायोजन हुँदा ऋणको ब्याजदर १.५ प्रतिशत बिन्दुसम्म घट्न सक्ने अध्यक्ष केसीले बताए।
अहिले बचतको ब्याजदर ६.४२ देखि ८.४ प्रतिशतसम्म छ। संघको निर्णयसँगै ६ देखि ८ प्रतिशत कायम हुनेछ।
बिहीबार बसेको संघको बैठकले चैत १ गतेदेखि लागू हुने गरी साधारण बचतको ब्याजदर ०.४२ प्रतिशत र कर्जाको प्रिमियमदर बढीमा ५ प्रतिशत सम्ममात्र लिन पाइने निर्णय गरेको छ ।
संघको निर्यायअनुसार चैत १ गतेदेखि वाणिज्य बैंकहरुले साधारण बचतमा न्यूनतम ६ प्रतिशत देखि अधिकतम ८ प्रतिशतसम्म ब्याज दिने छन् । यसअघिसम्म संघले साधारण बचतमा न्यूनतम ६.४२ प्रतिशत देखि अधिकतम ८.४२ प्रतिशतसम्म ब्याजदर दिने सहमति वाणिज्य बैंकहरुले गरेका थिए । व्यक्तिगत मुद्दति निक्षेपको ब्याजदर भने थपघट नगर्ने निर्णय संघले गरेको छ ।
वि.सं.२०७९ फागुन २५ बिहीवार १२:४४ मा प्रकाशित