काठमाडौं । चिनियाँ कम्युनिस्ट पार्टीका महासचिव सि चिनफिङ तेस्रो कार्यकालका लागि चीनको राष्ट्रपतिमा निर्वाचित भएका छन् । बेईजिङम जारी १४ औं चिनियाँ राष्ट्रिय जनकंग्रेस (एनपीसी)को जारी अधिवेशनले शुक्रवार उनलाई राष्ट्रपतिमा सर्वसम्मत चयन गरेको हो ।
६९ वर्षीय सीलाई राष्ट्रपतिका लागि सर्वसम्मतिले मतदान गरेका थिए । करिब एक घण्टासम्म चलेको मतदानको विद्युतीय माध्यमबाट १५ मिनेटमै मतगणना सम्पन्न भएको थियो ।
सन् २०१८ मा राष्ट्रपतिको कार्यकाल सीमा हटाएसँगै सी चिनफिङको तेस्रो कार्यकालका लागि मार्ग प्रसस्त भइसकेको थियो । गत अक्टोबरमा सत्तारुढ कम्युनिष्ट पार्टीको केन्द्रीय समितिको महासचिवको रुपमा थप पाँच वर्षको लागि पुनः नियुक्त भएपछि राष्टैपति सीको शक्ति थप विस्तार भएको थियो ।
आगामी दुई दिनमा सी द्वारा अनुमोदित अधिकारीहरु मन्त्रिपरिषदमा शीर्ष पदहरुका लागि नियुक्ति हुनेछन् ।
वि.सं.२०७९ फागुन २६ शुक्रवार ११:५३ मा प्रकाशित