काठमाडौं । आज फागुन ३० गते मंगलबार तीन लघुवित्त वित्तीय संस्थाको लाभांश सुरक्षित गर्ने अन्तिम दिन रहेको छ । आरएमडीसी, समता घरेलु र मनकामना स्मार्ट लघुवित्तको लाभांश सुरक्षित गर्ने आज अन्तिम दिन हो ।
यी तीन वटै कम्पनीले साधारण सभा तथा लाभांश प्रयोजनार्थ भोली ९चैत १ गते बुधबार बुक क्लोज गर्दैछन् । त्यसकारण, यी तीन वटै कम्पनीको लाभांश सुरक्षित गर्ने आज सेयर खरिद गर्नुपर्ने हुन्छ ।
समता घरेलु लघुवित्त
समता घरेलु लघुवित्तले गत आर्थिक वर्षको नाफाबाट १५ प्रतिशत बोनस सेयर र ३ प्रतिशत नगद (कर सहित) गरी जम्मा १८ प्रतिशत लाभांश वितरण गर्ने भएको छ । उक्त लाभांश पारित गर्न संस्थाले चैत ११ गते हिमालयन दृश्य रिसोर्ट, धुलिखेलमा बिहान ११.३० बजे वार्षिक साधारण सभा बोलाएको छ ।
आरएमडीसी लघुवित्त
आरएमडीसी लघुवित्तले आर्थिक वर्षको नाफाबाट २६ प्रतिशत बोनस र कर प्रयोजनसहित १.३७ प्रतिशत नगद लाभांश वितरण गर्दैछ । सोही लाभांश पारित गर्न कम्पनीले चैत १० गते सभा अमृतभोग,कालिकास्थान काठमाडौंमा बिहान ११ बजे वार्षिक साधारण सभा बोलाएको छ ।
मनकामना स्मार्ट लघुवित्त
मनकामना स्मार्ट लघुवित्तले गत आर्थिक वर्षको नाफाबाट ४.७५ प्रतिशत बोनस सेयर र कर तिर्न ०.२५ प्रतिशत नगद गरी जम्मा ५ प्रतिशत लाभांश वितरण गर्ने भएको छ । लाभांश पारित गर्न कम्पनीले चैत १६ गते होटल पौवा सिद्धार्थनगर–६ रुपन्देहीमा वार्षिक साधारण सभा बोलाएको छ ।
वि.सं.२०७९ फागुन ३० मंगलवार ०९:२७ मा प्रकाशित
