काठमाडौं । सहकारी संस्थाका ऋणी सदस्यलाई समयमा नै ऋणको किस्ता तथा ब्याज भुक्तानी गर्न राष्ट्रिय सहकारी महासंघले अग्रह गरेको छ ।
महासंघले एक अपिल जारी गर्दै ऋणी सदस्यहरुलाई समयमा नै नियमित किस्ता तथा ब्याज भुक्तानी गरी अन्य सदस्यहरुको बचत रकम फिर्ता गर्न सहज वातावरण बनाइदिन आग्रह गरेको हो ।
सहकारी संघ संस्थाहरुले बचत रकमको सामान्यतया ८० प्रतिशतसम्म सदस्यहरुलाई नै कर्जा प्रवाह गर्ने भएकाले बचत फिर्ता गर्न सहज वातावरण बनाउन ऋणी सदस्यहरुलाई ऋणको किस्ता तिर्न आह्वान गरेको छ ।
वि.सं.२०७९ चैत २ बिहीवार १२:३१ मा प्रकाशित
