काठमाडौं । चैत २९ गते निजी क्षेत्रको ठूलो छाता संगठन नेपाल उद्योग वाणिज्य महासंघमा आगामी कार्यकालको लागि चुनाव हुँदैछ । निर्वाचनका लागी नेपाल उद्योग वाणिज्य महासंघका साधारण सभा तथा निर्वाचन कार्यतालिका सार्वजनिक भएको छ ।
एफएनसीसीआईको साधारणसभा चैत २८ गने होटल याक एण्ड यतिमा हुने छ भने निर्वाचन चैत २९ गते प्रज्ञा प्रतिष्ठान कमलादीमा हुने जनाइएको छ ।
सोहि चुनावपछि चन्द्र ढकाल महासंघको नेतृत्व सम्हाल्दै छन । महासंघको ३ बर्षे कार्यकालको लागी अध्यक्ष हुँदै गर्दा ढकाल आफु अनुकुल टिम बनाउन व्यस्त छन । तर, अहिलेसम्म उनी कुनै प्यानलमा खुलेका भने छैनन् ।
महासंघको आगामी कार्यकालको लागी वरिष्ठ उपाध्यक्ष, तीन उपाध्यक्ष र कार्यकारिणी सदस्यहरुको चुनाव हुँदै छ ।
महासंघको विधान चुनावमा उम्मेदवारले उम्मेदवारी शुल्कसहित मनोनयन पत्र र प्रतिनिधिपत्र साधारणसभा हुनुभन्दा ७ दिन पहिले दर्ता गराइसक्नुपर्ने छ । सोही अनुसार उम्मेदवार बन्न २१ गते ५ बजेसम्म उम्मेदवारी मनोनयन गर्नुपर्ने छ । उम्मेदवारले अनलाइन माध्यमबाट समेत मनोनय दर्ता गर्ने व्यवस्था मिलाइएको महासंघले जनाएको छ ।
मनोनयन दर्ताको लागि वरिष्ठ उपाध्यक्षको लागि ५ लाख रुपैयाँ तोकेको छ । त्यसैगरी, उपाध्यक्षको लागि ३ लाख र कार्यकारिणी सदस्यको लागि ७५ हजार रुपैयाँ मनोनय शुल्क तोकिएको छ ।
वि.सं.२०७९ चैत ५ आइतवार १३:५० मा प्रकाशित