काठमाडौं । सरकारले रासायनिक मलमा दिँदै आएको अनुदान यथावत राख्ने निर्णय गरेको छ।प्रधानमन्त्री तथा मन्त्रिपरिषदको कार्यालयमा आज बसेको मन्त्रिपरिषदको बैठकले रासायनिक मलमा दिँदै आएको अनुदान कटौती नगरी यथावत राख्ने निर्णय गरेको हो।
यसअघि सरकारले फागुन ३० गते रासायनिक मल आयातमा प्रदान गर्दै आएको अनुदान घटाउने निर्णय गरेको थियो । सरकारले गरेको यो निर्णयपछि चौतर्फी विरोध भएको थियो ।
बैठकले रासायनिक मलमा दिँदै आएको अनुदानबारे विस्तृत अध्ययनपछि आवश्यक निर्णय गरी आगामी दिनमा थप व्यवस्थित र वैज्ञानिक बनाउने निर्णयसमेत सरकारले गरेको छ।
वि.सं.२०७९ चैत ६ सोमवार १३:३७ मा प्रकाशित
