काठमाडौं । शाइन रेसुङ्गा डेभलपमेन्ट बैंकले सेयरधनिको खातामा बोनस सेयर जम्मा गरिदिएको छ । बैंकले गत आर्थिक वर्ष २०७८/७९ को नाफाबाट सेयरधनीका लागि चुक्ता पूँजीको १३.३० प्रतिशत बोनस सेयर र ०.७ प्रतिशत नगद गरी कूल १४ प्रतिशत लाभांश वितरण गर्ने प्रस्ताव गरेको थियो ।
गत पुस २५ गते सम्पन्न बैंकको १४ औं वार्षिक साधारण सभाले पारित गरेको १३.३० प्रतिशत बोनस सेयर जम्मा गरिदिएको हो ।
नेप्सेमा सूचीकृत भएपश्चात् बुकक्लोज गर्नुभन्दा अघिल्लो दिनसम्म कायम सेयरधनीहरुको हितग्राही खातामा जम्मा गरेको बैंकले जनाएको छ । हालसम्म डिम्याट खाता अभौतिकीकरण नगराएका सेयरधनीहरुले डिम्याट खाता अभौतिकीकरण अद्यावधिक गराउन बैंकले आग्रह गरेको छ ।
वि.सं.२०७९ चैत १० शुक्रवार ११:३४ मा प्रकाशित
