काठमाडौं । नेको इन्स्योरेन्स कम्पनीले आफ्ना सेयरधनीको डिम्याट बोनस सेयर वितरण सुरु गरेको छ । कम्पनीले एक सूचना निकाल्दै कम्पनीले १५ प्रतिशत बोनस सेयर सम्वन्धित सेयरधनीहरुको हितग्राही खातामा जम्मा गरिदिएको जनाएको छ ।
सो बोनस सेयर नेपाल स्टक एक्सचेञ्ज (नेप्से) र सिडिएस एण्ड क्लियरिङमा सूचीकृत तथा दर्ता भई अभौतिक रुपमा कारोबार हुने व्यवस्था भईसकेको कम्पनीले जनाएको छ । गत माघ २ गतेसयम्म सेयर अभौतिकरण गराएका सेयरधनीहरुको हितग्राही खातामा बोनस सेयर पठाइएको कम्पनीले जनाएको छ ।
उक्त मिति पश्चात अभौतिकीकरण गराएका सेयरधनीको हकमा पनि क्रमशः सम्बन्धित सेयरधनीको हितग्राही खातामा सेयर जम्मा गरिने कम्पनीले जनाएको छ ।
वि.सं.२०७९ चैत १६ बिहीवार ०९:११ मा प्रकाशित