काठमाडौं । आज चैत १६ गते बिहीबार जीवन विकास लघुवित्त र एनएमबि लघुवित्तको लाभांश सुरक्षित गर्ने अन्तिम दिन रहेको छ । यी दुई लघुवित्तले साधारण सभा तथा लाभांश वितरण प्रयोजनार्थ भोली चैत १७ गतेदेखि बुक क्लोज गर्ने भएको छ । यसर्थ, यी दुवै कम्पनीले प्रस्ताव गरेको लाभांश हात पार्न आजै सेयरधनी बनिसक्नु पर्ने छ ।
जीवन विकास लघुवित्तले गत आर्थिक वर्षको नाफाबाट १४.२८५ प्रतिशत बोनस सेयर र कर प्रयोजनका लागि ०.७१४ प्रतिशत नगद गरी कुल १४.९९ प्रतिशत लाभांश वितरण गर्दैछ । उक्त लाभांश पारित गर्न यस कम्पनीले चैत ३० गते जीवन विकासको केन्द्रीय कार्यालय, कटहरी–२, मोरङमा बिहान १०ः३० बजे वार्षिक साधारण सभा बोलाएको छ ।
त्यसैगरी, एनएमबि लघुवित्तले गत वर्षको नाफाबाट सेयरधनीहरुलाई १० प्रतिशत बोनस सेयर तथा कर प्रयोजनका र ०.५२६३ प्रतिशत नगद लाभांश गरी जम्मा १०.५२ प्रतिशत लाभांश वितरण गर्दैछ । सोही लाभांश पारित गर्न यस लघुवित्तले वैशाख १५ गते सिटी स्क्वायर प्रा.लि न्यूरोड, पोखरामा दिउँसो १२ः३० बजे वार्षिक साधारण सभा बोलाएको छ ।
वि.सं.२०७९ चैत १६ बिहीवार ०८:५९ मा प्रकाशित