काठमाडौं । एशियन लाइफ इन्स्योरेन्सले वार्षिक साधारण सभा बोलाएको छ । कम्पनी सञ्चालक समितिको चैत २३ गते बसेको बैठकले बैशाख १८ गते, बिहान ११ः३० बजे होटल क्लासिक सिमरा, बारामा १५ औं वार्षिक साधारण सभा बोलाएको हो ।
सभाले आर्थिक वर्ष २०७८/०७९ सम्मको संचित मुनाफाबाट ८.५० प्रतिशत बोनस शेयर र कर प्रयोजनको लागि ०.४४ प्रतिशत नगद लाभांश पारित गर्नेछ ।
यस्तै सभाले उल्लेखित बोनस शेयर पश्चातको हदसम्म जारी तथा चुक्ता पूँजी वृद्धि गर्न स्वीकृति समेत दिनेछ । कम्पनीको अधिकृत पूँजी ५ अर्ब रुपैयाँलाई वृद्धि गरी ६ अर्ब कायम गर्न प्रबन्धपत्र संशोधन गर्ने लगायतको प्रस्ताबहरु परित गर्नेछ ।
कम्पनीले साधारण सभा तथा लाभांश प्रयोजनको लागि २०८० बैशाख ८ गते बुक क्लोज गर्ने जनाएको छ । यसर्थ, बैशाख ७ गते सम्म कायम शेयरधनीले मात्रै साधारण सभामा भाग लिन र कम्पनीले वितरण गर्ने लाभांश पाउन सक्नेछन् ।
वि.सं.२०७९ चैत २४ शुक्रवार १०:१४ मा प्रकाशित